अंमली पदार्थ विरोधी पथक ०१ गुन्हे शाखा, पुणे शहर.गुन्हे शाखेकडून १,१६,७४०००/- रु किचा ०५ किलो ८१६ ग्रॅम अफिम हा अंमली पदार्थ विक्री करणाऱ्या तिघांना कोंढवा परिसरातून अटक.

मा. पोलीस आयुक्त श्री. रितेश कुमार, मा. सह पोलीस आयुक्त श्री. संदिप कर्णिक यांनी पुणे शहरातील गुन्हेगारीला आळा घालण्याकरीता तसेच अंमली पदार्थ विरोधी मोहिम राबवुन जास्तीत जास्त अंमली पदार्थ तस्कर यांचे विरुध्द माहिती काढुन कारवाई करणे बाबत दिलेले सुचना व आदेशानुसार अंमली पदार्थ विरोधी पथक ०१ कडील वरिष्ठ पोलीस निरीक्षक श्री. विनायक गायकवाड यांचे मार्गदर्शनाखाली दिनांक १७-०८-२०२३ रोजी कोंढवा पोलीस स्टेशन कार्यक्षेत्रात पेट्रोलिंग करीत असताना पेट्रोलिंग दरम्यान पोलीस अंमलदार पांडुरंग पवार व सचिन माळवे यांना माहिती मिळाली की, पुणे गोकुळनगर येथील लेन नंबर १ मधुन कात्रज कोंढवा रोडकडे जाणारे - स्नेहदत्त बिल्डींग जवळ एक इसम अफिम हा अंमली पदार्थ विक्री करीत आहे. अशी माहिती मिळाल्याने त्याबाबत कायदेशिर सोपस्कार पार करून छापा कारवाई केली असता इसम नामे सुमेर जयरामजी विष्णोई वय ५० वर्षे, रा. C/o धनराज देवकाते, गोकुळनगर, चौक, कात्रज कोंढवा रोड, कोंढवा बुद्रुक, पुणे मुळ रा. जयराम अंन्दनियोकी दानिया, हनुमानसागर, तहसिल बावडी, जि. जोधपुर राज्य राजस्थान हा त्याचे ताब्यात ६४,४९,०००/- रु. चा ऐवज त्यामध्ये किं.रु. ६४,२८,०००/- चा ०३ किलो २१४ ग्रॅम आफिम हा अंमली पदार्थ विक्री करता जवळ बाळगताना मिळुन आला आहे. त्याचे विरुध्द कोंढवा पो स्टे येथे गु.र.नं.८४१/२०२३. एनडीपी एस. अॅक्ट ८ (क). १७ (क) प्रमाणे गुन्हा दाखल करण्यात आला आहे. सदर गुन्हयाचा तपास सहा.पो.निरीक्षक, शैलजा जानकर अंमली पदार्थ विरोधी पथक १ गुन्हे शाखा, पुणे हया करीत आहेत. आरोपीची पोलीस कस्टडी रिमांड घेण्यात आली आहे.

सदर गुन्हयाचे तपासात आरोपींने सदरचा अफिम हा अंमली पदार्थ त्याचे साथीदार ०२. चावंडसिंग मानसिंग राजपुत, ०३. लोकेंद्रसिंह महेंद्रसिंह राजपुत, यांचेकडुन आणला असुन आणखी अफिम या अंमली पदार्थाचा साठा त्यांचेकडे असल्याचे सांगितल्याने त्याबाबत गुन्हयाचे तपास अधिकारी सहा. पो. निरीक्षक श्रीमती शैलजा जानकर यांनी तपास करुन नमुद दोघांना अटक करुन त्यांचेकडुन ५२,२५,२०० चा ऐवज त्यामध्ये कि रु ५२,०४,०००/- चा ०२ किलो ६०२ ग्रॅम अफिम हा अंमली पदार्थ मोबाईल फोन असा जप्त करण्यात आला आहे.

अशा प्रकारे आरोपी नामे ०१. सुमेर जयरामजी बिष्णोई ०२. चावंडसिंग मानसिंग राजपुत ०३. लोकेंद्रसिंह महेंद्रसिंह राजपुत यांना गोकुळनगर कोंढवा परिसरातुन ताब्यात घेवुन अटक करुन त्यांचेकडुन एकुण १,१६,७४०००/- रु चा ०५ किलो ८१६ ग्रॅम अफिम हा अंमली पदार्थ जप्त करुन त्यांना जेरबंद करण्यात आले आहे.

वरील नमुद कारवाई ही मा. पोलीस आयुक्त पुणे शहर, श्री. संदिप कर्णिक, मा. पोलीस सह आयुक्त, श्री. रामनाथ पोकळे, अपर पोलीस आयुक्त, गुन्हे, मा. श्री. अमोल झेंडे, मा. पोलीस उप आयुक्त गुन्हे, मा. सहा.पो. आयुक्त गुन्हे १. पुणे श्री. सुनिल तांबे यांचे मार्गदर्शनाखाली अंमली पदार्थ विरोधी पथक १. गुन्हे शाखा, पुणे शहर कडील वरिष्ठ पोलीस निरीक्षक श्री. विनायक गायकवाड, सहा. पोलीस निरीक्षक, लक्ष्मण ढेंगळे, शैलजा जानकर, पोलीस अंमलदार, पांडुरंग पवार, सचिन माळवे सुजित वाडेकर, ज्ञानेश्वर घोरपडे, मारुती पारधी, प्रविण उत्तेकर, विशाल दळवी, राहुल जोशी, विशाल शिंदे, मनोजकुमार साळुंके, संदिप शिर्के, संदेश काकडे, नितेश जाधव, रेहाना शेख, योगेश मोहिते यांनी केली आहे.